戒夜奶

母:



之前四個月時戒過, 五六個月不知是否人家所說的growth spout, 又或是我們唔捨得又餵返之過, 夜奶又、回、來、了! 所以，其實我也沒有資格去說什麼....不過終歸成功戒了，也說出來分享一下。

七個月，大家都頂唔順，咩都試過---除了由佢喊 (可能因為佢太大隻同埋餵緊人奶, 驚佢唔飽)。於是工人突然提議 = 用杯餵。吓!

這是她的家鄉土法建議~ 原理跟別人說由佢喊半個鐘先餵一樣，就是別讓他晚上喝奶成為舒服和奉旨的事。佢喊，由佢喊一陣，沖杯奶，用杯俾佢lam。我仔的反應是不斷掉頭望住我地，以為我地傻左啦，哈哈。

lam完之後，俾佢玩，玩到累，先再暗訓 (用奶咀或手抱)。餵杯三晚，然後開始不餵三晚，只玩再暗訓。再過了兩晚，他說一覺睡十一小時了。

原來真係要狠心。

不過有一晚特別玩得耐，就係臨訓前吃少了的一夜。我發覺他真的需要吃很多，所以今次唔敢好似上次咁，戒了便算。而是將夜奶的份量加到日間的多一餐，以及臨睡前的一餐。而家有時都會醒兩次，但起碼唔駛沖奶，亦知唔可以沖奶，否則前功盡廢。

附加另一土法建議:
不少民族對何時戒夜奶也有不同說法，我覺得我看過有一最好 = bb 滿11磅方可戒，那是能睡過夜而不會窒礙發展的size。意思是大約6至8個鐘的睡過夜。然後慢慢加。若夜奶突然回來，應加固體及盡量日間吃飽 (有說bb會再最後一餐補回當天未吃夠的份量，故最後一餐應塞到唔食, 我個仔有時可吃400ml! 然後尿片就挨不到早上，哈。唯有溝米水或少少米糊)，及晚間堅持不餵。